Haxhiu për Ramush Haradinajn: As nuk duhet t’i shkojë në mend të bëhet President

18:33 | 20 Gusht 2020
L G

Zyrtarja e lartë e Vetëvendosjes, Albulena Haxhiu, e ka komentuar shpalljen e kandidaturës për President nga kreu i AAK’së, Ramush Haradinaj.

Sipas Haxhiut, Haradinaj po i mendon pozitat e larta shtetërore për t’i ushqyer apetitet e veta.

“Njëherë deshi të bëhej kryeministër, e pamë si qeverisi. Çfarë i paska mbetur pikë, edhe President me u ba. Thua se pozitat në institucione janë për të shuar apetitet”, ka thënë Haxhiu.

“Për cka, për me na tregu se si mund ta shftrytëzu pozitat për interesa personale, klienteliste”, tha ajo në emisionin Frontal.

Zyrtarja e Vetëvendosjes thotë se politikanët që nuk kanë përkrahje të popullit as nuk duhet t’u shkojë në mendje të kandidojnë për President të vendit.

“Unë mendoj që dikush që s’ka përkrahje popullore, as nuk duhet t’i shkojë në mend me u ba President”, ka thënë Haxhiu. /Express/

Shpërndaje në rrjete sociale

Lajmet më të lexuara

Të ngjashme

Foto lajm